لأنك قديسة ، يا أم الحبيس ،

بِبَيتك الكنيسة ، رَبَّيتي القديس ،

وعصلاة الوردية ، ذبايح سماوية ،

لشربل كانوا هدية ، هدية صلاة وتقديس ،

يا أم الحبيس !

بالدير شربل ما قدرتي تقشعي ،

صَوتو بالكاد خلّاكي تسمعي ،

قلتي يا ابني تَتْواسي مدمعي ،

يمّا تقدّس هون ، يمّا مشّي معي !

ولأنّك قديسة جاوب القديس :

بالسما منتلاقى ، عل بيت ارجعي !

يا أم الحبيب ، يا نبع الحنان ،

بِفَيّة جناحك شربل شو كان

يغرف محبة ويتشبّع إيمان !

حقّك علينا نقدّم الشكران

لأنك قديسة وابنك قديس

بقاعكفرا صارت للصلاة عنوان !!!